ኣብ ኔዘርላንድ መስርሕ ዑቕባ ክሳብ ክንድዚ ነዊሕ ግዜ እዩ ዝወስድ

ኣብ ሓፈሻዊ መስርሕ ዑቕባ ምስ IND 1ይ ቃለ-መሕትት ድሕሪ ምግባርካ 2ይ ቃለ-መሕትት እውን ክህልወካ እዩ። እዚ ቃለ-መሕትት ብዛዕባ ንምንታይ ከም ዝሃደምካን ኣብ ኔዘርላንድ ዑቕባ ትሓተሉ ዘለኻን ምኽንያት ዝምልከት እዩ። ነዚ 2ይ ቃለ-መሕትት ንምግባር እውን ነዊሕ ናይ ምጽባይ ግዜ ኣሎ። ኣብዚ እዋን እዚ 1ይ ቃለ-መሕትትካ ድሕሪ ምግባርካ፣ ን2ይ ቃለ-መሕትት ብማእከላይ ገምጋም 43 ሳምንታት ክትጽበይ ኣለካ።

መንግስቲ ኔዘርላንድ ብዕለት 14 ጥሪ ናይዚ ዓመት ኣብ ዝሃቦ መግለጺ፣ IND ኣብ 2025 ብዛዕባ ሕቶ ዑቕባ ንምውሳን ዝያዳ ግዜ ከም ዝህልዎ እውን ኣፍሊጡ ኣሎ። ብመሰረት ሕጊ IND ብዛዕባ ሕቶ ዑቕባ ንኽውስን ናይ 6 ኣዋርሕ ግዜ እዩ ዘለዎ። እንተኾነ ግን ኣብ ዝሓለፉ ዓመታት IND ብዛዕባ ሕቶ ዑቕባኻ ንኽውስን ቀጻሊ ተወሰኽቲ 9 ኣዋርሕ ክወሃቦ ጸኒሑ ኣሎ።

እዚ ማለት ኣብ መንጎ 27 መስከረም 2022ን 1 ጥሪ 2026ን ንዝቐርቡ ኩሎም ናይ ዑቕባ ሕቶታት ዘሎ ናይ ውሳኔ ገደብ-ግዜ 15 ኣዋርሕ እዩ ማለት እዩ። ኣብ ውሽጢ እቲ ግዜ IND ምሳኻ 1ይን 2ይን ቃለ-መሕትት ዘካየደ ክኸውን ኣለዎ። ብዛዕባ ናይ ዑቕባ ሕቶኻ ድማ ውሳኔ ይወስድ።

1ይ ቃለ-መሕትትካ ንምግባር ን6 ኣዋርሕ ወይ ልዕሊኡ ተጸቢኻ ዲኻ? ስለዚ ሓደ ናይ