IND ኣብ ዝቐልጠፈ መስርሕ ውሳኔ ይወስድ

IND ውሳኔ ቅድሚ ምሃቡ ተወሳኺ መርመራ ዘድልይ ኮይኑ ይረኽቦ። ስለዚ ድሕሪኡ ብምቕጻል IND ንመመልከቲኻ ኣብ ሓፈሻዊ መስርሕ ዑቕባ ወይ ኣብ

IND ንዘመልከትካዮ ዑቕባ ይነጽጎ። ስለዚ ኣሉታዊ ውሳኔ ትቅበል፣ ካብ ኔዘርላንድ ድማ ክትወጽእ ኣለካ። ጠበቓኻ ገና ኣብ ክንዳኻ ናብ ቤት-ፍርዲ ኔዘርላንድ ይግባይ ክብል ይኽእል እዩ። ሽዕኡ ቤት-ፍርዲ፣ IND ንዘመልከትካዮ ዑቕባ ከምቲ ሕጊ ኔዘርላንድ ዝጠልቦ ብግቡእ ዘመስርሖ ምዃኑን ዘይምዃኑን ክግምግም እዩ። መብዛሕትኡ ግዜ ንውሳኔ ቤት-ፍርዲ ኣብ ኔዘርላንድ ኮይንካ ክትጽበን፣ ኣብቲ እትነብረሉ ቦታ ምንባር ክትቅጽልን ትኽእል ኢኻ።

• ቤት-ፍርዲ ምስ ውሳኔ ናይ IND ይሰማማዕ ድዩ?  

  ስለዚ ብቕጽበት ካብ ኔዘርላንድ ክትወጽእ ኣለካ። ደጊም መዕቆቢ ክትረክብ መሰል የብልካን፣ መብዛሕትኡ ግዜ ድማ ናይ ምእታው እገዳ ይግበረልካ። እዚ ማለት ካብ ሕብረት ኤውሮጳ ድሕሪ ምውጻእካ፣ ደጊም ናብ ሕብረት ኤውሮጳ ክትኣቱው ኣይፍቀደልካን ማለት እዩ። ናብ መበቆል ሃገርካ ንኽትምለስ ድማ ናብ ሓደ ማእከል መዕቆቢ ትግዕዝ።  

• ቤት-ፍርዲ ምስ ውሳኔ ናይ IND ኣይሰማማዕን ድዩ?  

  ስለዚ IND ንመመልከቲኻ ብኻልእ መስርሕ እውን ከመስርሖ እዩ። ናብ ካልእ ማእከል ሓተቲ ዑቕባ ትሰጋገር፣ ከምኡ እውን IND ሓድሽ ውሳኔ ይወስድ።  

IND ንዘመልከትካዮ ዑቕባ የጽድቖ። ኣብ ኔዘርላንድ ንኽትጸንሕ ድማ ይፍቀልደካ።  

ዘመልከትካዮ ዑቕባ ከም ዝጸደቐ ዝገልጽ ደብዳቤ ትቅበል። ናይ ዑቕባ መንበሪ ፍቓድ ትረክብ። እዚ ዑቕባ ንምርካብ ካብ ዘመልከትካሉ ዕለት ጀሚሩ ን5 ዓመት ዘገልግል እዩ። ድሕሪ 5 ዓመት ድማ ቀዋሚ ናይ ዑቕባ መንበሪ ፍቓድ ንምርካብ ከተመልክት ትኽእል።